Kabe Pe Padi Jab Pehli Nazar Beautiful Hamd mp3 with Lyrics

Posted by Hindi status on April 27, 2018 in Hamd | No comments

Kabe Pe Padi Jab Pehli Nazar Beautiful Hamd mp3 with Lyrics

You can hear this mp3 hamd online and download mp3 by this button.

Download

Kabe Pe Padi Jab Pehli Nazar Lyrics

Kaabe pe padi jab pahli nazar
Kya cheez hai duniya bhool gaya

Labbaik labbaik Allahumma labbaik
innal hamda wanni’mata
laka wal mulk la sharika laka labbaik

Yun hosh-o-khirad maflooj hue
Dil zauq-e-tamasha bhool gaya

Kaabe ki raunaq kaabe ka manzar
Allahu-Akbar Allahu-Akbar

Dekhun to dekhe jaaun barabar
Allahu-Akbar Allahu-Akbar

Phir rooh ko izn-e-raqs mila
Khawabeeda junoo bedar hua

Talwon ka taqaza yaad raha
Nazron ka taqaza bhool gaya

Kaabe pe pade jab pahli nazar
Kya cheez hai duniya bhool gaya

Tere haram ki kya baat maula
Tere karam ki kya baat maula

Ta-umr kar de aana muqaddar
Allahu-Akbar Allahu-Akbar

Ehasas ke parde lahraaye
Imaan ki hararat tez huyi

Sajdon ki tadap Allah Allah
Sar apna sauda bhool gaya

Kaabe pe pade jab pahli nazar
Kya cheez hai duniya bhool gaya

Hamd-o-khuda se tar hai zabanen
Kano me ras gholti hain azane

Bas iski sada ati hai barabar
Allahu-Akbar Allahu-Akbar

Jis waqt dua ko hath uthe
Yad aa na saka jo socha tha

Izhar-e-aqeedat ki dhun me
Izhar-e-tamanna bhool gaya

Labbaik labbaik Allahumma labbaik
innal hamda wanni’mata
laka wal mulk la sharika laka labbaik

Maangi hai maine jitni duaayen
Manzoor hongi maqbool hongi

Mizab-e-rahmat hai mere sar par
Allahu-Akbar Allahu-Akbar

Pahuncha jo haram ki chaukhat par
Ek abr-e-karam ne gher liya

Baqi na raha ye hosh mujhe
Kya maang liya kya bhool gaya

Kaabe pe pade jab pahli nazar
Kya cheez hai duniya bhool gaya

Bheja hai jannat se tujh ko rab ne
Chooma hai tujh ko khud Mustafa (saw) ne

Ae sangaswad tera muqddar
Allahu-Akbar Allahu-Akbar

Har waqt barasti hai rahmat
Kaabe me jameel Allah Allah

Khaki hoon main kitna bhool gaya
Aasi hoon main kitna bhool gaya

Kaabe pe pade jab pahli nazar
Kya cheez hai duniya bhool gaya

Yun hosh-o-khirad maflooj hue
Dil zauq-e-tamasha bhool gaya

Kaabe pe pade jab pahli nazar
Kya cheez hai duniya bhool gaya